BENKI YA DUNIA YAUNGA MKONO MPANGO WA KUNUSURU KAYA MASIKINI NCHINI TANZANIA

Katibu Mkuu Kiongozi Balozi Ombeni Sefue akiagana na Mkurugenzi wa Benki ya Dunia Kanda ya Afrika Bibi.Ritva Reinikka muda mfupi baada ya kufanya mazungumzo ikulu jijini Dar es Salaam leo asubuhi.Kushoto ni Bwana James Adam Makamu Mstaafu wa Benki ya Dunia.Wakati wa Mkutano huo uliowashirikisha pia Wajumbe wengine kutoka serikalini na Benki hiyo viongozi hao walijadili kwa kina Mpango wa Kunusuru kaya Maskini kupitia mpango wa TASAF III.

Madhumuni ya Mpango huu ni kuziwezesha kaya maskini kuongeza kipato,fursa na kuimarisha lishe.Walengwa wa mpango huu ni kaya ambazo zinaishi katika umaskini mkubwa katika mazingira hatarishi vijijini na katika shehia upande wa Zanzibar.Mpango huu utatekelezwa katika kipindi cha miaka 10 chenye awamu mbili za miaka mitano kila moja. 

Bajeti ya utekelezaji wa mpango huu ni kiasi cha Dola za Marekani million 272.9.Mchango wa fedha hizo utatolewa na wadau mbalimbali ikiwemo Serikali ya Tanzania amabyo itachangia kiasi cha Dola za Marekani millioni 30, Benki ya Dunia Dola Za Marekani Millioni 220, DFID Dola za Marekani 16,Serikali ya Hispania Dola za Marekani 6, na Shirika la Misaada la Marekani(USAID) itachangia kiasi cha Dola za Marekani 900,000. Picha na Freddy Maro